მცენარე ფოსფორს ფოსფიტის P₃O³ სახით უფრო ინტენსიურად შთანთქავს, ვიდრე ფოსფატების P₄O³ სახით. ფოთოლზე წასმისას, ფოსფიტის სახით ფოსფორი 1 დღის განმავლობაში შეიწოვება 65-75%-ით, ხოლო ფოსფატის არაუმეტეს 20%-ისა 5 დღის განმავლობაში შეიწოვება.

ფოსფიტების, როგორც ფუნგიციდებისა და ბიოსტიმულატორების, მოქმედება ემყარება მცენარეთა წინააღმდეგობის ინდუქციას დაავადებების გამომწვევი ბიოტიკური სტრესული ფაქტორების მიმართ, ხოლო აბიოტური (დაბალი ან მაღალი ტემპერატურა) - ფიტოალექსინების სინთეზის გზით, რომლებიც აქტიური იმუნიტეტის გასაღებია.

ფიტოალექსინები - წარმოადგენს ცილოვანი ბუნების ორგანულ ნივთიერებებს, რომლებსაც მცენარეები გამოიმუშავებენ უჯრედში პათოგენების ან სტრესის შეღწევის საპასუხოდ. ეს ნაერთები მცენარის ბუნებრივი იმუნური მექანიზმის ნაწილია.დადასტურებულია, რომ ფესვთა სისტემაში არსებული ფოსფიტები პირდაპირ აფერხებენ Phytophthora-ს გვარის მიკროორგანიზმების განვითარებას და ასევე ასტიმულირებენ თავად მცენარის დამცავ მექანიზმებს. გარდა ამისა, ფოსფიტები თრგუნავენ და ანადგურებენ ისეთი დაავადებების გამოვლინებებს, როგორიცაა ჭრაქი, სკაბი, ბაქტერიოზი, ნადები და ა.შ. ფოსფიტები უმნიშვნელო გავლენას ახდენენ ნიადაგის სოკოების უმეტესობის განვითარებაზე, რაც მათ გამოყენებას რეკომენდებული დოზებით ეკოლოგიურად სუფთა და გარემოსთვის უსაფრთხოს ხდის. მცენარეში ფოსფიტების სტაბილურობა საკმაოდ ხანგრძლივი პერიოდის განმავლობაში დაავადებებთან ბრძოლის მათი ეფექტურობის მთავარი ფაქტორია.ფოთოლზე გამოყენებისას ფოსფიტები, ფუნგიციდური ეფექტის გარდა, მონაწილეობენ ან გავლენას ახდენენ მრავალ პროცესში. ამგვარად, ფოსფიტიდან მიღებული ფოსფორი მონაწილეობს მცენარეებში ნივთიერებათა ცვლაში, რაც გამოიხატება ფესვთა სისტემის ზრდის გაძლიერებაში, მინერალური კვების სხვა ელემენტების ათვისებაში, ფოსფორშემცველი ბიოლოგიურად აქტიური ნივთიერებების, ცხიმოვანი მჟავების, ატფ-ის, ნუკლეინის მჟავების სინთეზში. ფოსფიტები გავლენას ახდენენ მოსავლიანობის, მშრალი ნივთიერების შემცველობის, კაროტინოიდების, ანთოციანების და ხილის სავაჭრო იერსახის ზრდაზე.